Dúas voces galegas de máxima actualidade, Guadi Galego e Ugía Pedreira, modelan o repertorio mariñeiro do Norte, achegándose á súa infancia, á música popular que lle transmitiron os seus pais, xuntándoa coas súas propias composicións que tamén miran ao mar.
Todo vai envolto coas harmonías contemporáneas, a elegancia e o talento dun dos mellores músicos de jazz da península, o santiagués Abe Rábade.
Guadi Galego (voz), colabora, con composicións e interpretacións, con numerosos grupos e tamén é coñecida pola súa participación con voz e gaita no grupo Berrogüetto.
Ugía Pedreira (voz), coñecida polo seu grupo anterior Chouteira e agora polo seu grupo Marful, é a fundadora e directora do Conservatorio de Música Tradicional e Folque de Lalín.
Abe Rábade (piano), é, sen dúbida, un dos músicos máis eclecticamente preparados do panorama musical galego, e xa recoñecido no mundo do jazz, a nivel mundial. Leva desde 1996 o Abe Rábade Trío.
|
